Samband ungra Framsóknarmanna (SUF) stóð fyrir málþingi um hálendisþjóðgarð í kvöld sem fram fór stafrænt á zoom. Yfir 100 manns sóttu fundinn og því óhætt að segja að um mikið hitamál sé að ræða. Þakkar stjórn SUF öllum þeim sem sáu sért fært að mæta innilega fyrir komuna.

Síðan að umhverfis- og auðlindaráðherra kynnti frumvarp sitt um hálendisþjóðgarð hefur skapast mikil umræða um frumvarpið í samfélaginu. Stjórn SUF vonar að þessi fræðslu- og umræðu vettvangur hafi gefið fólki frekari innsýn í hvað felst í frumvarpi um hálendisþjóðgarð og að fundurinn hafi verið gott innlegg í þarft samtal um framtíð hálendisins.

Framsögufólk málþingsins

​Stjórn SUF sendir framsögufólki málþingsins innilegar þakkir fyrir framsögu og þáttöku í umræðum.

Lilja Rannveig Sigurgeirsdóttir, formaður SUF, var fundarstjóri og kynnti frumvarpið um miðhálendisþjóðgarð.

Sigurður Ingi Jóhannsson, formaður Framsóknarflokksins, kynnti fyrirvara Framsóknar á frumvarpi um hálendisþjóðgarð.

Jón Jónsson, lögmaður, var með framsögu um sjónarmið stjórnsýslu- og eignarréttarlegt hlutverk sveitarfélaga.

Auður Önnu Magnúsdóttir, framkvæmdarstjóri Landverndar, var með framsögu um umhverfissjónarmið.

Ingibjörg Isaksen, stjórnarformaður Norðurorku, var með framsögu um sjónarmiðum orkumála.

Jón Gísli Harðarson, sjálfstætt starfandi leiðsögumaður, var með framsögu um sjónarmið ferðaþjónustunnar.

Guðrún Magnúsdóttir, bóndi og fulltrúi í sveitarstjórn Bláskógabyggðar, var með framsögu um sjónarmið bænda og sveitarstjórnaraðila.

Ungt Framsóknarfólk sendi á dögunum inn umsögn vegna frumvarps til kosningalaga. Þar lögðum við sérstaka áherslu á að kosningaaldur verði miðaður við fæðingarár en ekki fæðingardag líkt og gert er í Noregi. Ungt Framsóknarfólk fagnaði jafnframt ákvæði um póstkosningu, en við teljum það auka aðgengi að einum mikilvægasta rétti í lýðræðisríki, kosningarétti.

Gunnar Ásgrímsson, ritari ungs Framsóknarfólks og Magnea Gná Jóhannsdóttir, kynningarstjóri ungs Framsóknarfólks fóru á fund með Stjórnskipunar- og eftlitsnefnd Alþingis á dögunum f.h. ungs Framóknarfólks og greindu frá umsögninni. Vel var tekið í tillögurnar og verður því spennandi að fylgjast með framgangi málsins í þinginu.

Umsögnina má lesa í heild sinni hér fyrir neðan.

Jæja hóhó og let’s gogo!
Desember gengin í garð en góður nóvember að baki. 
SUF hitti bæði samgöngu- og sveitastjórnarráðherra og félags- og barnamálaráðherra í mánuðinum sem leið, umræður á fundunum fóru um víðan völl. 
Frábær og vel heppnaður miðstjórnarfundur var haldin 21. nóvember í beinu streymi eins og aðrir viðburðir þessa daganna. Þar var góð þátttaka ungra á fundinum. Eins og SUF kom á framfæri fyrir kjördæmisþingunum þá stefnum við að því að hafa unga aðila á listum fyrir Alþingiskosningar og þá leggjum við áherslu á að hafa einn ungan í fjórum efstu sætunum í hverju kjördæmi. 

SUF birti tvær ályktanir í nóvember: Makar með í ómskoðun og sameiginleg ályktun með ungliðahreyfingu miðjuflokkanna NCF um samstöðu með pólskum konum vegna laga sem voru samþykkt þar í landi um bann við fóstureyðingum.

Að auki gaf kynningarstjórinn okkar, hún Magnea Gná, út grein um óþörf og óafturkræf inngrip á börnum. 
Á síðasta sambandsþingi SUF var eftirfarandi ályktun samþykkt um sama mál:
Ungt Framsóknarfólk leggst gegn varanlegum og óafturkræfum aðgerðum sem framkvæmdar eru á kynfærum barna án þeirra samþykkis. Slík aðgerð ætti ekki að fara fram nema nauðsyn krefji af heilsufarslegum ástæðum.

Nefnd um innra starf hefur verið að sinna stóru og mikilvægu verkefni í nóvember. Samtals voru haldnir 8 fundir í landshlutafundasyrpu FUF félaganna (Félög ungra framsóknarmanna). Tilgangur fundanna var að fræða ungt fólk í landshlutunum um starf SUF, starf Framsóknarflokksins og að endurvekja félagastarf ungra innan SUF. Síðasti fundur syrpunnar var í lok nóvember og við tekur rólegur desember.

Jólamánuðurinn er að sjálfsögðu stútfullur af dagskrá hjá hverjum og einum og því er dagskrá SUF af minni gerðinni þennan mánuðinn en hún er ekki af síðri endanum. 

10. desember:
Skuggaráðuneyti með mennta- og menningarmálaráðherra Lilju Dögg Alfreðsdóttur verður á Zoom kl 20:00. Lilja hefur verið á fullu síðustu mánuði að vinna að og kynna úrræði fyrir landann eins og fleiri ráðherrar á sínu sviði.
Hér er hægt að skrá sig á fundinn.

15. desember
Nefndardagurinn er á sínum stað, þriðja þriðjudaginn í hverjum mánuði. Núna munu eftirfarandi nefndir funda:

• Málefnanefnd hóf í síðasta mánuði skipulag á greinaskrifum SUF fyrir árið 2021. Á fundi nefndarinnar verður farið yfir stöðuna og unnið að þeim greinum sem birta á í desember á þessu ári. 
• Fjármálanefnd fundar um fjáröflunarviðburð sem er á dagskrá í febrúar. 
• Nefnd um innra starf mun taka saman skýrslu um nýliðna landshlutafundi og ákveða næstu skref í sameiningu þeirra FUF félaga sem hafa hugað að því. 

Hægt er að skrá sig í nefndir, hvenær sem er hér: https://docs.google.com/forms/d/e/1FAIpQLScVK_AhJtV2NAAgdUQAmVb-woTtFOSetMuqXjwvKBucr8MUlA/viewform 

Það er aðeins meira um að vera hjá stjórnarmeðlimum SUF því í fyrstu vikunni mun að auki reglulegs stjórnarfundar vera skuggaráðsfundur með þingflokki Framsóknar, Við mjög ánægð að fá þingflokkinn í lið með okkur. Þingflokkur Framsóknar situr í hinum ýmsu nefndum Alþingis og því erum við spennt fyrir komandi samstarfi. Ákveðið var að hafa fundinn einungis fyrir stjórn SUF að þessu sinni þar sem þetta er sá fyrsti, hins vegar gefst öðrum meðlimum SUF tækifæri á að sitja slíkan fund seinna eftir áramót.
Í lokin viljum við skila hlýjum kveðjum til allra inn í aðventuna og vonum að jólahátíðin verði ykkur góð.

Jólakveðja
Unnur Þöll Benediktsdóttir
Viðburðastjóri SUF
​

27. október 2020 var haldinn aðalfundur Félags ungra Framsóknamanna í Kópavogi. Þar voru rædd hefbundinn aðalfundarstörf og farið yfir síðasta starfsár. Vegna aðstæðna var aðalfundurinn haldinn í fjarfundabúnaði.

Þar fóru fram kosningar þar sem nýr formaður var kosinn ásamt nýrri stjórn.

Nýr formaður er Heimir Þór Hansson.
Með honum í stjórn eru: 
Varaformaður: Davíð Freyr Peters
Gjaldkeri: Davíð Fannar Sigurðsson 
Meðstjórnandi: Ívar Atli Sigurjónsson
Meðstjórnandi: Birgitta Birgisdóttir
Varamenn: Gunnar Sær Ragnarsson, Kristín Hermannsdóttir og Páll Marís Pálsson.

Hér má sjá síðu FUF í Kópavogi.