Núverandi og fyrrum formenn Sambands ungra Framsóknarmanna. Samband ungra Framsóknarmanna var stofnað 13. júní 1938 og er því 85 ára í dag. Stjórn Sambands ungra Framsóknarmanna (SUF) hélt upp á áfangan og útgáfu tölublaðsins Samtímans s.l. laugardag í félagssal Framsóknarmanna í Kópavogi. Var fjölmennt í Bæjarlindinni að samfagna þessum áfanga í starfi SUF. Sigurður Ingi Jóhannsson, formaður Framsóknar, Lilja Dögg Alfreðsdóttir, varaformaður, Ásmundur Einar Daðason, ritari, Ingibjörg Isaksen, formaður þingflokks voru meðal þeirra sem létu sig ekki vanta á þessum tímamótum, auk fyrrverandi formanna SUF og annarra gesta.
Unnur Þöll Benediktsdóttir, formaður SUF, opnaði afmælis- og útgáfuhófið með ávarpi. Fór hún yfir hversu gefandi og þroskandi það væri að taka þátt í félagsstarfi SUF, flokksstarfið hafi verið sér dýrmætt og hún væri hvergi nærri hætt. Á þessum tímamótum gaf SUF út mjög veglegt og efnisríkt afmælisrit undir ritstjórn Gunnars Sæs Ragnarssonar. Hönnun og umbrot afmælisritsins var í höndum Díönu Ívu Gunnarsdóttur. Auk þeirra voru einnig Unnur Þöll Benediktsdóttir, Berglind Sunna Bragadóttir og Hafdís Lára Halldórsdóttir í ritstjórn blaðsins. Hægt er að lesa afmælisritið með því að ýta hér. Við viljum þakka öllum fyrir að samfagna með okkur og fyrir góðar móttökur á blaðinu okkar Samtíminn. Hér að neðan má sjá svipmyndir frá viðburðinum. Ljósmyndirnar tók Lilja Rannveig Sigurgeirsdóttir, alþingismaður og fyrrverandi formaður SUF. Samband ungra Framsóknarmanna fagnar 85 ára afmæli næstkomandi 10. júní. Af því tilefni langar okkur að bjóða þér í útgáfuteiti og hátíðarhöld í Framsóknarsalnum í Kópavogi, Bæjarlind 14-16.
Boðið verður upp á kaffiveitingar af Framsóknarsið. Öllum er velkomið að taka með sér gesti. Kær kveðja, Stjórn Sambands ungra Framsóknarmanna 7/6/2023 Ungir háværir á MiðstjórnLandsstjórn Framsóknar samþykkti að boða til vorfundar miðstjórnar föstudaginn 2. júní síðastliðinn. Fundurinn var haldinn á Grand Hótel Reykjavík. Þar létu ungir sig ekki vanta og voru alls sjö ungir í Framsókn sem tóku til máls í pontu. Gunnar Ásgrímsson, varaformaður Sambands Ungra Framsóknarmanna, tók til máls um mikilvægi ungs fólks innan flokksins.
,,Kæru miðstjórnarfulltrúar, Gunnar Ásgrímsson heiti ég og er varaformaður SUF. Ég hef lagt það í vana minn að reyna að vera á jákvæðu nótunum þegar ég fæ að stíga upp í pontu og tala fyrir framan jafn fríðan sal og þennan hér. Èg sé ekki ástæðu til að breyta um takt úr þessu. Ég vil nota þetta tækifæri til þess að fjalla aðeins um unga fólkið í flokknum okkar. Allt Unga sveitastjórnarfólkið okkar, ungu þingmennirnir Lilja Rannveig, Hafdís Hrönn og jú Ágúst Bjarni líka, hann fær að teljast ungur aðeins lengur. Þau hafa sinnt starfi sínu sem fullrúar okkar með prýði og enn þá meira. En ég ætla mér ekki að fara að hæla þeim um of, heldur tala frekar um unga fólkið á bak við tjöldin. Til að mynda hefur það verið ungt fólk sem hefur mannað skrifstofunna núna eftir áramót, Teitur, Helgi og Jói. Án þeirra værum við líklegast ekki hér. Öll þau sem unnið hafa sleitulaust í kosningum, hvatt starfið áfram á samfèlagsmiðlum og myndað sterka og vel grundvallaða unga grasrót flokksins. Það hefur verið sannur heiður að fylgjast með starfi SUF síðustu 5 árin, núna síðustu 2 sem varaformaður. Því þar sér maður svo greinilega hvað við erum heppin í þessum flokk. Í ungliðastarfinu er duglegt fólk sem lætur til sín heyra og er ekki bara punt eða skraut á framboðslistum. Það er öflug rödd sem SUF hefur haft innan flokksins og mun það halda áfram, svo lengi sem við pössum okkur að nota þá rödd, ekki bara hvísla alltaf að við séum sammála síðasta ræðumanni, heldur stundum geta öskrað að hér þurfi að gera betur! Þegar við á. Framsókn er, og verður alltaf að vera flokkur sem setur málefni ungs fólks á broddinn, því málefni ungs fólks eru málefni framtíðarinnar. Húsnæðismál, menntamál, atvinnumál, heilbrigðismál og fjölskyldumál eru allt málefni ungs fólks, þetta eru málaflokkar þar sem kjósendur setja traust sitt á Framsókn. Við megum EKKI missa boltann, og við verðum að halda áfram því flotta starfi sem okkar fólk vinnur í sveitarstjórnum landsins og á Alþingi. Vil ég því hvetja okkur öll til dáða, bæði kjörna fulltrúa og öll þau sem taka virkan þátt í starfi flokksins. Skemmtum okkur svo fallega í kvöld, takk fyrir mig." Að fundi loknum var móttaka fyrir miðstjórnarfulltrúa að Hverfisgötu 33 þar sem SUFarar héldu klárlega uppi stuðinu að fagna lokum á vel heppnuðum miðstjórnarfundi. |