Magnea Gná: Yngsti borgarfulltrúi sögunnar á Íslandi

„Fyrst og fremst vil ég vinna af heilindum í þágu borgarbúa. Ég vil vera málsvari ungs fólks í borgarstjórn og brýna þau sjónarmið sem skipta ungt fólki máli; þar eru húsnæðismálin efst í huga. Það þarf að byggja meira, fjölbreyttara og hraðar til að tryggja það að ungt fólk geti eignast þak yfir höfuðið. Markmiðið er að hrinda framfaramálum í framkvæmd, stuðla að meiri samvinnu og sátt og auka traust til borgarstjórnarinnar,“ segir Magnea Gná Jóhannsdóttir, nýkjörinn borgarfulltrúi Framsóknar og yngsti borgarfulltrúi sögunnar hér á landi.

Magnea Gná, sem er 25 ára gamall háskólanemi og formaður Ungrar Framsóknar í Reykjavík, skipaði þriðja sæti á lista Framsóknar í Reykjavík. Hún segist hlakka til að vinna í þágu ungs fólks í borgarstjórn, og hyggst leggja áherslu á húsnæðismál, umhverfismál og leikskólamál.

Við viljum óska Magneu okkar innilega til hamingju með árangurinn og óskum henni góðs gengis í nýju starfi.

Ung Framsókn