 |
 |
Sambandsþing
Sambandsþing hefur æðsta vald í málefnum SUF. Á sambandsþingum er stefna SUF mörkuð og ákvarðanir teknar um starf, skipulag og fjármál sambandsins.
Samband ungra framsóknarmanna heldur árlega sambandsþing og skal það
haldið á tímabilinu 1. ágúst – 30. september. Stjórn SUF boðar til
sambandsþings. Boða skal til sambandsþings með a.m.k. fjögurra vikna
fyrirvara, bréflega eða á annan óvéfengjanlegan hátt. Í þingboði skal
getið dagskrár. Sambandsþing er löglegt sé löglega til þess boðað.
Allir félagsmenn í SUF hafa rétt til setu á sambandsþingi með fullum
réttindum. Stjórn SUF er þó heimilt að ákveða þinggjald og gera
greiðslu þess að skilyrði fyrir atkvæðisrétti á sambandsþingi. Atkvæðisrétt hafa þeir sem eru skráðir í Framsóknarflokkinn viku fyrir sambandsþing.
Framboðum til formanns skal skila til skrifstofu Framsóknarflokksins eiga síðar en viku fyrir setningu sambandsþings.
Á sambandsþingi skal kjósa í eftirfarandi embætti:
a) Formann
b)12 menn í stjórn og jafnmarga til vara
c) 2 skoðunarmenn reikninga og tveir til vara
|
|
|
|
|
|
|
Ungt framsóknarfólk hefur ávallt leitað lausna á sameiginlegum viðfangsefnum samfélagsins með samvinnu og jöfnuð að leiðarljósi. Framsóknarflokkurinn er eini flokkurinn sem skilgreinir sig á miðju íslenskra stjórnmála. Í þessu felst að ungt framsóknarfólk hafnar algildum lausnum hægri eða vinstri stefnu í stjórnmálum. Stjórnmál tuttugustu og fyrstu aldarinnar geta ekki og mega ekki snúast um kreddutrú á öfga, hvort sem þeir liggja til vinstri eða hægri. Stjórnmál fortíðarinnar snérust um baráttu milli hægri og vinstri afla. Í dag snúast stjórnmál um að tryggja fólki frelsi, velmegun, velferð, jöfnuð, öryggi, stöðugleika og réttlæti.
Ungt framsóknarfólk er frjálslynt miðjufólk, víðsýnt og framkvæmdaglatt. Í stað þess að horfa til fortíðar er horft fram á veginn. Þar bíða verkefni sem takast þarf á við án þess að beita gömlum kreddusetningum bókstafstrúarmanna til hægri eða vinstri. Erlendar stjórnmálakenningar sem oft hljóma líkt og einfaldar töfralausnir hafa ekki virkað hingað til á Íslandi og ekkert bendir til þess að breyting verði á því.
Ungt framsóknarfólk hafnar stefnu vinstri flokkanna sem gengur út á velferðarstefnu þeirra sem minnst mega sín framar öllu öðru og jöfnuð sem hefur fáar lausnir fram að færa til án þess að tryggja tekjur sem standa undir útgjöldunum sem fylgja slíku velferðarkerfi. Stefnan er til þess fallin að skapa gengdarlausan halla á ríkissjóði sem leiðir til hruns velferðarkerfisins.
Sömuleiðis hafnar ungt framsóknarfólk stefnu hægri flokka sem leggja ofuráherslu á velgengni viðskiptamanna og atvinnulífsins en gleyma velferð þegnanna eða halda að slík velferð komi af sjálfu sér. Slík stefna leiðir til óánægju og misréttis. Til hægri og vinstri má þó finna margar nothæfar hugmyndir og þeim ber að beita eftir því sem við á til að bregðast við hinum mörgum viðfangsefnum þjóðfélagsins. En einstefna mun þó aldrei leiða til árangurs.
Frá stofnun sinni hefur Framsóknarflokkurinn leitast við að þjóna best hagsmunum hins almenna þjóðfélagsþegns. Fjölskyldufólks sem hefur tekjur í meðallagi og ber þjóðfélagið uppi með skattgreiðslum sínum. Ungt framsóknarfólk tekur alltaf manngildið ofar auðgildið. Rétt er að styðja samkeppni í atvinnu- og viðskiptalífi. Sjónarmið hagnaðar mega þó aldrei skyggja á stefnu sem byggir á mannúð og velferð. Einstaklingurinn á að fá svigrúm og frelsi til þess að nýta hæfileika sína til hagsbóta fyrir samfélagið en við stjórn landsins eiga sjónarmið félagshyggju ávalt að vera höfð að leiðarljósi. Þannig vill ungt framsóknarfólk halda á málum og við erum ætíð reiðubúin til starfa í þágu þjóðarinnar.
|
|
|
|
|
|
|
|
|
|
|
|
|
|
 |
|
05 / 05 / 2005 | Stjórn SUF
Ályktun frá stjórn SUF
Samband ungra framsóknarmanna (SUF) fagnar þeirri þjóðarvak...
|
|
|
|
|
|
|
|
|
|
|
|
|
|
