Ágúst Bjarni Garðarsson
SV kjördæmi
Tilkynning um framboð:
|
Áfram höldum við!
Undanfarin ár höfum við saman gert samfélagið okkar í Hafnarfirði betra með ýmsum aðgerðum; við höfum markvisst lækkað álögur á fjölskyldufólk og létt byrðar á þeim sem þyngstar bera. Ég var aðstoðarmaður Sigurðar Inga Jóhannssonar í nokkur ár. Það var krefjandi tími og lærdómsríkur skóli. Bæjarmálin í Hafnarfirði hafa átt hug minn allan undanfarin ár og munu eiga það áfram. Það er heiður að fá að þjónusta bæjarbúa sem bæjarfulltrúi og formaður bæjarráðs. Við höfum gert góða hluti og félagshyggja Framsóknar hefur fengið að njóta sín í meirihlutasamstarfinu hér í bæ. Hafnarfjörður er góður bær og hér er gott að lifa og starfa. Umfangsmikil uppbygging er nú að hefjast víða um bæinn sem er afrakstur mikillar vinnu í skipulagsmálum undanfarin tvö ár sem hefur verið gaman að taka þátt í. Ég brenn fyrir því að gera samfélagið okkar betra. Ég tel mig eiga erindi og tilkynni hér með um framboð mitt í 2. sæti á lista Framsóknar í SV fyrir þingkosningarnar 2021. Bestu kveðjur, Ágúst Bjarni Garðarsson |
|
Aldur:
Ágúst verður 34 ára núna í september nk. Búseta: Alla tíð verið búsettur í Hafnarfirði. Atvinna/nám: Ágúst er með BA próf í stjórnmálafræði og meistarapróf í verkefnastjórnun MPM. Hann hefur áður starfað hjá Ölgerðinni, við stundakennslu, tekið að sér afmörkuð verkefni og ráðgjöf og verið aðstoðarmaður ráðherra. Ágúst starfar nú sem bæjarfulltrúi og formaður bæjarráðs í Hafnarfirði, ásamt því að vera varaformaður stjórnar Sorpu bs. Störf innan flokksins: Ágúst var varaformaður og síðar formaður SUF. Nú er hann bæjarfulltrúi Framsóknar í Hafnarfirði. Hafa samband: Netfang: agustg@hafnarfjordur.is Heimasíða: www.facebook.com/agustgardars |