Sambandsþing Sambands ungra Framsóknarmanna verður haldið helgina 4. - 5. október í Jötunheimum í Garðabæ (Bæjarbraut 7).
Þinggjald verður 3.000 kr.

Dagskrá
Laugardagur 4. október

11:00 Þingsetning:
 – Kosning þingforseta
 – Kosning þingritara
 – Kosning starfsnefndar
11:15 Skýrsla stjórnar
11:30 Lagabreytingar
12:00 Almennar umræður // Ávörp
13:00 Málefnavinna
16:00 Þinghlé
17:00-19:00 Vísindaferð
20:00 Hátíðarkvöldverður & skemmtun // Ávörp

Sunnudagur 5. október
10:00 Málefnavinna – framhald
11:00 Kosningar:
 – Formaður
 – Stjórn (12)
 – Varastjórn (12)
 – Skoðunarmenn reikninga (2)
 – Varaskoðunarmenn reikninga (2)
12:00 Hádegishlé
12:59 Niðurstöður kosninga
13:00 Málefnavinna – áframhald // Afgreiðsla mála
16:00 Þingslit og heimferð

Mikilvægar dagsetningar
​4. september: Síðasti dagur til að skrá sig í flokkinn til að hafa atkvæðisrétt á þinginu.
13. september: Síðasti dagur til að skila inn framboðum til formanns (sendist á [email protected]).
20. september: Síðasti dagur til að senda inn lagabreytingar (sendist á [email protected]).
Frestur til að bjóða sig fram í önnur embætti rennur út rétt fyrir kosningar á sunnudeginum 5. október.

Fylgist með á samfélagsmiðlum SUF varðandi frekari upplýsingar.

Síðustu helgi fór fram 49. sambandsþing Sambands ungra Framsóknarmanna í Héraðsskólanum á Laugarvatni. Á Sambandsþinginu kom saman ungt Framsóknarfólk af öll landinu saman til þess að ræða málefni ungs fólks og rita stefnu Sambandsins. Gunnar Ásgrímsson var þar endurkjörin formaður eftir málefnalega baráttu við Kjartan Helga Ólafsson sem tók sæti í stjórn og ganga þeir því sameinaðir eftir baráttuna til kosninga. Þá var einnig kjörin ný stjórn SUF sem tók strax til starfa þar sem formaður Sjálfstæðisflokksins tilkynnti ákvörðun sína um að slíta ríkisstjórnarsamstarfi aðeins nokkrum mínútum eftir þingslit.
 
Gunnar Ásgrímsson endurkjörin
Gunnar, er 24 ára Skagfirðingur sem stundar nám í kennslufræðum við Háskóla íslands og starfar samhliða því sem stundakennari í grunnskóla. Hann hefur verið virkur í félagsstarfi flokksins og innan sambandsins síðan 2018, en hann hefur setið í framkvæmdastjórn SUF bæði sem ritari og varaformaður. Málefni og réttindi ungs fólks brenna á Gunnari sem bauð sig á síðasta ári fram til forseta til þess að benda á skekkjur í kröfum sem gerðar eru til slíks framboðs, meðal annars 35 ára aldurstakmarks frambjóðendur þurfa að hafa náð.

“Framsókn er öfgalaus en samt róttækur umbótaflokkur sem setur hagsmuni fjölskyldufólks í fyrsta sæti. Við erum að fara inn í kosningar og þarf SUF að vera duglegt í nýliðun og hagsmunastarfi fyrir ungt fólk þegar að kemur að áherslum flokksins fyrir kosningar,“ segir Gunnar.

Ungu Framsóknarfólki blöskrar ákvörðun formanns Sjálfstæðisflokksins um að slíta ríkisstjórnarsamstarfi á þessum tímapunkti og leitast við að ganga til kosninga í nóvember. Okkur  þykir þetta heigulsháttur, þetta er gert með hagsmuni hans flokks í huga umfram hagsmuni þjóðarinnar.

Það er stór ákvörðun að gefa kost á sér til þess að vera málsvari kjósenda í fjögur ár á þingi og henni fylgir mikil ábyrgð. Hvað þá þegar fólki hlotnast sá heiður að taka þátt í ríkisstjórn þar sem þau hafa frekara tækifæri til þess að móta framtíð þjóðarinnar. Það er sorglegt að forsætisráðherra og samflokksfólk hans taki þeirri ábyrgð ekki alvarlegar en raun ber vitni.

Slit á ríkisstjórnarsamstarfi ætti að vera neyðarventill sem er notaður þegar aðstæður skapast þar sem ómögulegt er að halda áfram, ekki björgunarbátur til að hoppa í þegar skoðanakannanir eru flokkum óhagstæðar eða menn þurfa að miðla málum í ríkisstjórnarsamstarfi.

Efnahagsmálin eru loksins að komast á réttan kjöl og vextir byrjaðir að lækka. Þá er það gjörsamlega óábyrgt að stefna því í hættu með því að skapa hér pólitíska óvissu.
​
Við hræðumst ekki kosningar og teljum að verk þingmanna og ráðherra Framsóknar tali fyrir sig sjálf.
 
Þessi ályktun var samþykkt af stjórn Sambands ungra Framsóknarmanna þann 13. október 2024.