8/11/2023 Norðurlandaráð æskunnar samþykkti sameiginlega ályktun sendinefnd Íslands um að fá handritin heimUrður Björg Gísladóttir og Hrafn Splidt Þorvaldsson, fulltrúar SUF á þingi Norðurlandaráðs ungmenna Íslensku ungliðahreyfingarnar lögðu saman fram ályktun um að fá íslensku handritin aftur heim á þingi Norðurlandaráðs ungmenna. Ályktunin bar heitið „Menningarminjar aftur heim“ og var samþykkt með öllum greiddum atkvæðum.
Í ályktuninni má finna ákalla til meðlima Norðurlandaráðs að skila fornmunum og menningarverðmætum aftur til síns heimalands. Það voru Samband ungra Framsóknarmanna, Samband ungra Sjálfstæðismanna, Ungt Jafnaðarfólk og Ung Vinstri-græn sem stóðu sameiginlega að baki ályktuninni. Rasmus Emborg forseti Norðurlandaráð æskunnar, Hrafn Splidt Þorvaldsson frá Sambandi ungra Framsóknarmanna og Gunnvá Winher frá Framsøkin Ung mældu fyrir ályktuninni í pontu en hana má finna í heild sinni hér að neðan: 24. Menningarminjar aftur heim Samband ungra Framsóknarmanna, Samband ungra Sjálfstæðismanna, Ungt Jafnaðarfólk, Ung Vinstri-græn Þegar Ísland fékk heimastjórn árið 1904 hófst barátta um að fá forn handrit og skjöl afhent frá Danmörku til Íslands. Fyrrnefnd verk voru framleidd á Íslandi á 13.-16.öld. og flutt út til Danmerkur á 17.-& 18. öldinni. Frá 1928-1997 var fjölda handrita og skjala skilað til Íslands. Þá sérstaklega frá 1971, er 21. Apríl það ár var Konungsbók Eddukvæða og Flateyjarbók skilað til Íslands. Eftir það bárust handritin hægt og rólega til landsins, þangað til 20. Júní 1997. Þá voru Kirkjudagsmál og Stjórn afhent í hátíðarsal Háskóla Íslands, og eru enn í dag seinustu handritin sem voru endurheimt. Baráttan fyrir því að fá “handritin heim” er einungis eitt dæmi af fjölmörgum um fyrrum hjálendu eða nýlenduþjóð sem eru að berjast fyrir því að fá sín menningarverðmæti frá fyrrum nýlenduherrum. Ungt fólk á Norðurlöndum kallar þar af leiðandi eftir því að fyrrum nýlenduþjóðir innan Norðurlandaráðs sýni fordæmi og vinni að því að skila fornminjum og menningarverðmætum til sinna fyrri hjálenda og nýlenda. UNR ályktar að: - Þeir fornmunir og menningarverðmæti sem tekin voru í fortíðinni af meðlimum Norðurlandaráðs verði skilað til síns norræna upprunalands, ef þau óska þess. 6/9/2023 Ályktanir 48. SambandsþingsÁ nýliðnu Sambandsþingi var unnið öflugt málefnastarf þar sem málefnum var skipt upp í fjóra flokka. Eftirfarandi eru þær ályktanir sem samþykktar voru á 48 sambandsþingi SUF.
Innviði, umhverfi, orka og loftslag
Heilbrigði og málefni eldra fólks
Efnahagur, utanríkismál, stjórnskipan, menning, mannréttindi og málefni innflytjenda
Atvinna, menntun og börn
48. Sambandsþing Sambands ungra Framsóknarmanna (SUF) var haldið á Sauðárkróki helgina 2. - 3. september. Þar sat ungt Framsóknarfólk og vann öflugt málefnastarf ásamt því að kjósa sér nýja stjórn og nýjan formann, Gunnar Ásgrímsson. Fráfarandi formaður Unnur Þöll Benediktsdóttir gaf ekki kost á sér áfram eftir tveggja ára formennsku.
Gunnar, nýr formaður, er 23 ára Skagfirðingur sem stundar nám í kennslufræði við Háskóla íslands og starfar sem stuðningsfulltrúi í Háteigsskóla. Hann hefur verið virkur í félagsstarfi flokksins og innan sambandsins síðan 2018, og síðustu þrjú árin setið í framkvæmdastjórn SUF, fyrst sem ritari en síðustu tvö ár sem varaformaður undir formennsku fráfarandi formanns, Unnar Þallar. “Ég hlakka mikið til komandi starfsárs, við erum með flotta stjórn sem ég hef mikla trú á, en það eru stór verkefni framundan í vetur. Það verður flokksþing hjá Framsókn í vor þar sem við í SUF munum svo sannarlega láta í okkur heyra, eins og á öðrum viðburðum flokksins síðustu ár. Helstu verkefnin munu því tengjast málefnastarfinu okkar en einnig má búast við fjölbreyttu viðburðastarfi hjá okkur. Það hefur heppnast vel að halda svokölluð Skuggaráðuneyti, þar sem ungt Framsóknarfólk fær að spjalla við ráðherrana okkar, en einnig þeir Örfundir sem við höfum átt með þingmönnum og sveitarstjórnarfólki um hin ýmsu mál. Má því búast við miklu þetta ár og hvet ég því áhugasöm um að mæta á viðburði hjá okkur í vetur.” Mörg deilu- og hitamál voru rædd á þinginu, þar á meðal útlendingamál, samgöngusáttmáli, heilbrigðismál, menntamál og hvalveiðar. Allar ályktanir þingsins verða birtar á samfélagsmiðlum SUF og hér á vefnum á næstu dögum. Einnig var kosið í nýja stjórn og er hún eftirfarandi: Ágúst Guðjónsson Berglind Sunna Bragadóttir Díana Íva Gunnarsdóttir Hafdís Lára Halldórsdóttir Heiðdís Geirsdóttir Hrafn Splidt Þorvaldsson Inga Berta Bergsdóttir Karel Bergmann Gunnarsson Mikael Jens Halldórsson Ólöf Rún Pétursdóttir Skúli Bragi Geirdal Urður Björg Gísladóttir 2/8/2023 48. sambandsþing SUFKæri meðlimur Sambands ungra Framsóknarmanna (SUF)
Nú er liðið að árlegu Sambandsþingi SUF og verður það haldið helgina 1.-3. september í Norðvesturkjördæmi að þessu sinni, nánar tiltekið í Framsóknarhúsinu á Sauðárkróki, Suðurgötu 3. Hér neðar finnur þú drög að dagskrá. Þau sem hafa verið skráð í Framsókn í það minnsta 30 dögum fyrir sambandsþing og hafa greitt þinggjöld hafa atkvæðisrétt á þinginu. Þau sem vilja skrá sig í flokkinn geta gert það með rafrænum skilríkjum hér: https://framsokn.is/ganga-i-flokkin/ Lagabreytingartillögur þurfa að berast á suf@suf.is minnst 14 dögum fyrir þingið, á sama hátt þurfa Framboð til formanns SUF að berast til skrifstofu Framsóknar á netfangið framsokn@framsokn.is. Framboðsfrestur til stjórnar og varastjórnar SUF rennur út þegar kosningar verða á dagskrá. Lög SUF má finna í heild sinni á SUF.is. Föstudagurinn 1. september 20:00 Óformleg kvölddagskránni 20:30 Kynning á lokaverkefni “Blessuð sértu sveitin mín” Laugardagur 2. september 10:00 Þingsetning -Kosning þingforseta -Kosning þingritara -Kosning starfsnefndar 10:15 Skýrsla stjórnar og ársreikningur 10:30 Lagabreytingar 11:00 Almennar umræður // Ávörp 12:00 Hádegishlé 13:00 Málefnavinna 16:00 Þinghlé 20:00 Hátíðarkvöldverður & skemmtun // Ávörp Sunnudagur 3.september 11:00 Kosningar -Formaður -Stjórn (12) -Varastjórn (12) -Skoðunarmenn reikninga (2) -Varaskoðunarmenn reikninga (2) 12:00 Hádegishlé 12:59 Niðurstöður kosninga 13:00 Málefnavinna - áframhald // Afgreiðsla mála 16:00 Þingslit og heimferð *Dagskrá er birt með fyrirvara um breytingar Með kveðju, f.h. framkvæmdastjórnar Unnur Þöll Benediktsdóttir, formaður Sambands ungra Framsóknarmanna |